講真，香港人係咪有病？
雖然我冇睇施政報告，
而且我都覺得派現金券o既做法唔係太理想，
但係我就唔信一份施政報告，
全港七百萬人冇一個人覺得佢有一處地方係好……

你o地成日話保育，
依家唔拆中環街市，
我覺得幾好丫；
改善沿海環境，
果兩棟野又話起矮d啦。
剩係呢度政府都話唔知收少幾多億，
呢d野唔見有人講架喎！
你地質疑特首有利益輸送，
講真，佢做左咁多年，
由財爺到特首，
要貪一早貪左啦！
又或者學你地陰謀論d，
「佢可能貪左你唔知呢！」。
如果係咁，
佢應該好爐火純青啦，
今次點會做得咁著跡呀？
用下你地個死豬腦啦！
冇就問下d有腦o既！
再唔係就問下你地隻狗，
狗吠之前都識得諗下點解要吠呀！

講真，曾蔭權上任之前，
唔係個個都話佢好咩？
公務員出身升上來，
又夠經驗，做野又踏實。
點解依家又要咁？
even董建華上任之前，
大家都覺得佢好好架啦。
你地捧人唔係睇佢有冇料架？
係睇佢靚唔靚仔？
如果你地覺得佢冇料，
全民都唾罵佢，
我又唔信選果班人會選到佢地出來呀！
咪話我話，
就算早兩年已經雙普選呀，
你地咪一樣會選返曾蔭權，
我就唔信會選到梁家傑出來。

長毛著笠記牛記入立法會你地又撐，
毓民立法會掟蕉你地又撐。
你地會唔會見寫字樓工著t-shirt牛仔褲？
你地見工佢interviewer串你你會唔會掟佢蕉？
用下你地個腦啦！
答案梗係唔會架，(答「會」果d唔該你返幼稚園由頭讀過書)
因為你知道咩叫尊重，
尊重場合，尊重面試官；
你亦識得咩係教養，
人地串你你都應該禮貌地同佢反映，
更何況佢可能係test緊你。
咁點解你地又支持代表你地既議員，
既唔尊重場合，又做出d冇教養o既行為？
唔通你地都唔知咩叫尊重同教養？

毓民係基督徒，應該識得分場合，
應該知道咩時候要做d咩野。
有不滿應該用正途去表達，
所謂君子動口不動手，
就算你講粗口，都好過掟蕉。
何況基督徒連粗口都唔應該講。
長毛仲衰，有破壞冇建設，
佢咁耐以來有咩貢獻過？
你地諗下佢地響立法會搗亂為乜？
真係義憤難平？
為市民出頭？
就算係都唔應該搗亂丫。
根本佢地就係搏出位！
咁你地選佢地出來又為乜？
咪為左睇show囉。

你地選議員都唔係選個做得野o既，
只係選d剩係識搏出位o既人，
咁畀個雙普選你地有乜用？
雙普選就終歸都有架啦，
問題係幾時je…
你地咁撐長毛同毓民，
夠疆到時選佢地去做特首，
睇下香港會變成點！

認真的說，
你地有壓力就去做下運動、玩下，
唔好花咁多時間響度睇人地走光呀、爭上位呀果d，
更加唔好花咁多時間響度睇人地做錯、做漏左d咩雞毛蒜皮既野。
話唔定有一日特首跌左一百蚊唔知，冇執返，
你地又話佢賣燈膽發過豬頭唔志在。
日日響度揭人瘡疤(仲要有d係假既)，睇人私隱，
香港人，
你地咁樣過日子真係會開心d咩？

有時間認真d欣賞人地d好野，
茶餘飯後講下側田既歌藝點好，而唔係關心佢個頭有咩唔見得人；
欣賞下阿gil o既堅強，而唔係厚顏無恥咁叫人收皮；
支持下特首對保育同環保既回應，而唔係質疑佢畀錢親家賺，
咁樣做人先冇咁緊張，咁先會開心d架…

認錯，
除了承認錯誤，
還要認識錯誤。

如果你不認識自己的錯誤，
你便不懂得如何去改過。

有道說「知錯能改，善莫不焉。」
若不知道自己錯在哪裡，
又何來「能改」？

當別人責備自己時，
我們大多不會認錯，
這是人的天性。

認錯是重要，
但更重要的是，
你必須明白自己真的錯了，
及清楚自己如何的錯，
才去承認。

如果你自覺沒錯，
那便應該據理力爭。

每個人的價值觀不同，
對與錯的界線自然也有差異。
人與人相處，
也就必須要清楚明白彼此之間的界線之差異。

隨便認錯，
就等於隨便認同別人的價值觀。
別人也就會期望你跟隨他的價值觀辦事。
如果口裏隨便認錯，心裏卻不服，
也就是陽奉陰違。
口裏認同了別人，也讓人覺得你認同了他，
但行動時卻唱反調。
這不但影響了人與人之間的關係，
也影響了自己的誠信。
所以人與人之間的相處，
委實是貴乎溝通。

試想想，
人與人之間，
如果一句「對不起，我錯了」也是謊話的時候，
這兩個人之間還剩些甚麼？